«Аграрлық несие корпорациясы» АҚ ауыл шаруашылығы саласында сақтандыру сыйақыларының бір бөлігін субсидиялау бойынша өтінімдер қабылдауды бастады. Бұл туралы Корпорацияның баспасөз қызметі хабарлады.
«2026-жылдың 26-ақпанынан бастап ауыл шаруашылығы тәуекелдерін ерікті сақтандыру шарттары бойынша сақтандыру сыйақыларының бір бөлігін субсидиялауға өтінімдер қабылдау ашылды», — делінген Корпорация таратқан ақпаратта.
Ерікті сақтандыру жүйесі аясында ауыл шаруашылығы тауарын өндірушілер келесілерді сақтандыра алады:
– жаздық ауыл шаруашылығы дақылдарының егістерін қуаңшылықтан;
– көпжылдық екпелерді (алма ағаштарын);
– алма өнімін;
– ауыл шаруашылығы жануарларын (ірі қара мал, ұсақ мал, жылқы, шошқа) және құсты.
Бұл ретте сақтандыру сыйақысының 80%-ы мемлекет тарапынан субсидияланады, ал 20%-ын ауыл шаруашылығы тауарын өндіруші өз қаражаты есебінен төлейді.
Қуаңшылықтан суарылмайтын жерлерді (2 және 3 кезеңдер) сақтандыру шартына өтінім беру мерзімдері:
- Ақмола, Ақтөбе, Атырау, Шығыс Қазақстан, Батыс Қазақстан, Қарағанды, Қостанай, Павлодар, Солтүстік Қазақстан облыстары, сондай-ақ Абай және Ұлытау облыстары үшін:
– дәнді дақылдарды 2026 жылдың 1 сәуіріне дейін;
– майлы дақылдарды 2026 жылдың 15 сәуіріне дейін.
- Алматы, Жамбыл, Қызылорда, Маңғыстау, Түркістан облыстары және Жетісу облысы үшін:
– дәнді және майлы дақылдарды 2026 жылдың 27 ақпанына дейін (қоса алғанда).
Көпжылдық екпелер мен алма өнімін сақтандыруға өтінім беру мерзімдері:
– көпжылдық екпелерді (алма ағаштарын) сақтандыру 2026 жылдың 31 қазанына дейін;
– алма өнімін сақтандыру — 2026 жылдың 1 наурызына дейін.
Фермер сақтандыруға өтінімді АӨК саласындағы сақтандырудың ақпараттық онлайн жүйесі – Kezekte.kz платформасы арқылы бере алады.
