25 мамыр күні отандық ауыл шаруашылығы техникасы мен көлік құралдарын жеңілдетілген лизингке беру бойынша «Қазақстанда жасалған» бағдарламасы аясында өтінім қабылдау басталады. Бұл туралы “ҚазАгроҚаржы” АҚ баспасөз қызметі хабарлады.
Бағдарлама фермерлерге заманауи отандық техниканы қолжетімді шартпен беруге, сондай-ақ қазақстандық машина жасау саласын қолдауға және ауыл шаруашылығы техникасы паркін жаңартуға бағытталған.
Бағдарлама аясында аграрлық сала кәсіпкерлері отандық өндірістің ауыл шаруашылығы техникасын жеңілдетілген шарттармен қаржылық лизингке ала алады.
Қаржыландыру мерзімі — 10 жылға дейін, жылдық сыйақы мөлшерлемесі — 6%, аванстық төлем — лизингке алынатын техника құнының кемінде 15%-нан кем болмауы тиіс.
Сурет: Agrotrend.kz
