Жоғары өнімді асыл тұқымды малдың кезекті партиясы Германиядан Қостанай облысына жеткізілді. Голштин тұқымының құнажындары Владимировка ауылындағы «ДК Мақсат KZ» ЖШС жаңа тауарлы сүт фермасына барады. Бұл туралы Ауыл шаруашылығы министрлігінің баспасөз қызметі хабарлады.
Ветеринариялық және кедендік бақылаудан кейін жануарлар міндетті карантиннен өтетін фермаға жеткізіледі.
Жоба 400 бас сауын сиырға арналған тауарлы сүт фермасын құруға арналған. Жобаның құны 3,2 млрд теңге. Ферма Солтүстік Қазақстан облысының тәжірибесін көбейту бағдарламасы аясында іске асырылуда.
Кәсіпорын заманауи автоматтандырылған қондырғылармен жабдықталған. Сауу блогы бір уақытта 40 сиырды саууға арналған және «Параллель» типті жүйемен жабдықталған.
Табынды басқару және фермадағы жануарлардың жағдайын бақылау үшін Afimilk жүйесі қолданылады. Бұл малдың есебін автоматты түрде жүргізуге, жеке қадамөлшегіш көмегімен жануарлардың белсенділігін және өндіріс көрсеткіштерін бақылауға мүмкіндік береді.
2026 жылдың соңына дейін кәсіпорын қалған мал басын кезең-кезеңімен әкелуді жоспарлап отыр.
Ауыл шаруашылығы министрлігінің мәліметінше, жыл басынан бері отандық мал өсірушілер 30 мыңнан астам асыл тұқымды ІҚМ сатып алған. Оның ішінде 3,5 мыңнан астамы алыс шет елдерден әкелінген.
Сурет: АШМ
