Биыл Түркістан облысының Сарыағаш ауданындағы шаруалар 2,1 мың гектар жерге ерте пісетін картоп екті. Қазіргі уақытта өнімді жинауға кірісіп те кеткен. Шаруалар еселі еңбектерінің арқасында елдің азық-түлік қауіпсіздігін қамтамасыз етуге қомақты үлес қосып келеді. Бұл туралы аудан әкімдігінің баспасөз қызметі хабарлады.
Биыл ауданда жалпы 75,7 мың гектар егістік жер игерілген. Атап айтқанда, 51,1 мың гектарға астық – бұршақты және майлы дақылдар (бидай – 40,5 мың га, жүгері – 1,5 мың га, арпа – 7,9 мың га, күнбағыс –224 га, мақсары – 910 га), 479 гектарға бақша, 2,1 мың гектарға картоп, 10,6 мың гектарға көкөніс, 11,5 мың гектарға мал азығы егілген.
Ауданға қарасты Қабланбек, Құркелес, Жарты төбе және Тегісшіл ауылдық округтеріне ерте пісетін картоп егілген.
Сурет: аудан әкімдігі
