Павлодар облысының Павлодар ауданындағы Кемеңгер ауылында «KEMENGER MAY» серіктестігінің май өңдеу зауыты жұмысын бастады, деп хабарлады Ауыл шаруашылығы министрлігінің баспасөз қызметі.
Кәсіпорын күнбағыс тұқымынан табиғи май өндіруге және майлы дақылдарды терең өңдеуге маманданған.
Жаңа өндіріс нысаны өңірдің агроөнеркәсіптік кешеніндегі маңызды инвестициялық жоба саналады. Кәсіпорынды іске қосу жұмыстары 2025–2026 жылдары жүргізіліп, жобаға жалпы көлемі 2 млрд теңге инвестиция тартылған.
Зауыт заманауи жоғары технологиялық жабдықтармен қамтамасыз етілген. Бұл шикізатты тиімді өңдеуге және нарық талаптарына сай сапалы өнім шығаруға мүмкіндік береді. Кәсіпорынның өндірістік қуаты жылына 60 мың тоннаға дейін шикізатты өңдеуге және 35 мың тонна дайын өнім шығаруға қауқарлы.
Өнім ішкі нарықпен қатар, шетелдік нарықтарға да экспортталатын болады.
Сурет: АШМ
