Павлодар облысының шаруалары биыл рекордтық 1,1 млн тонна астық жинаған. Бұл туралы аймақ әкімі Асайын Байханов Орталық коммуникациялар қызметінде өткен брифингте айтты.
Әкімнің айтуынша, соңғы 10 жылда Павлодар экономикасы әртараптанып, ауыл шаруашылығы қарқынды дамып келеді. Биыл агросалаға тартылған инвестиция көлемі 225 млрд теңгеге жетіп, облыс бұл көрсеткіш бойынша елде көш бастап отырған көрінеді.
Қазіргі таңда облыста 16 азық-түлік тауарының бағасы республикадағы орташа деңгейден төмен, ал 11 тауар бойынша Павлодар үздік 5 өңірдің қатарына кіріп отыр.
Облыс еліміздегі қарақұмықтың 65%-ын, күнбағыстың 20%-ын, сондай-ақ әр үшінші сәбіз бен картопты өндіреді.
Айта кетейік, биыл Павлодар облысына 1 трлн теңгеден астам инвестиция тартылыпты. Бұл өткен жылмен салыстырғанда 1,5 есе артық көрсеткіш екен. Осы нәтиже бойынша Павлодар облысы республикада 2-орынға шыққан.
Сурет: ашық ақпарат көзінен
