2026 жылдың бірінші жартыжылдығында Қазақстанда 1,9 млн тонна сүт өндірілген. Бұл өткен жылдың сәйкес кезеңімен салыстырғанда 2,4%-ға артық. Өндірістің өсуіне жобалық қуатына шыға бастаған жаңа тауарлы сүт фермалары ықпал етті. Бұл туралы Үкіметтің баспасөз қызметі хабарлады.
2024–2025 жылдары салынған тауарлы сүт фермалары бүгінде саланың дамуына елеулі үлес қосып отыр. Олар сүт өндірісі көлемінің артуына әсер еткен негізгі факторлардың біріне айналды.
Жалпы, жеті айдың қорытындысы бойынша ауыл шаруашылығы саласында тұрақты өсім күтілуде. Бұған егін жинау науқанының қарқынды жүргізілуі, мал шаруашылығының дамуы, азық-түлік пен сусындар өндірісінің артуы, сондай-ақ агроөнеркәсіп кешенді жеңілдетілген несиемен қаржыландыру көлемінің рекордтық деңгейге жетуі оң ықпал етуде.
Сурет: Agrotrend.kz
