Астанада мал, құс өсірушілерге және үй жануарларының иелеріне арналған жем-шөп және ветеринария бойынша көрме өтеді, деп хабарлады «Jańa Dala / Green Day ‘2024» ақпараттық орталығы.
Бірде-бір заманауи өндіріс, бірде-бір сала қолда бар мүмкіндікпен үлкен жетістікке жете алмайды. Бұл ережеден қазақстандық ауыл шаруашылығы да тыс қалмақ емес. Сонымен қатар, республиканың аграрлық саласында қордаланған кейбір мәселелер мен проблемалар шұғыл шешімдерді талап етеді.
6-7-8 қараша күндері Астанада «Jańa Dala / Farm Astana ‘2024» мал шаруашылығы мен құс шаруашылығы жөніндегі халықаралық көрменің және «Jańa Dala / Vet Astana ‘2024» мал азығы мен ветеринария жөніндегі халықаралық көрменің пікірталас алаңдарында өзекті мәселелердің бір бөлігі талқыланады.
Осы іс-шаралар аясында тақырыптық семинарлар мен конференциялар өндіріс жоспарындағы ең өзекті, мазмұнды, сондай-ақ отандық ауыл шаруашылығы тауарын өндірушілерге оңтайлы шешімдерді іздеуге көмектесетін агробизнестің проблемалық аспектілері ескерілетін болады. Сондықтан ветеринарияның жай-күйі, сондай-ақ Қазақстандағы жем-шөп өндіру мәселелері мал шаруашылығы мамандарының, сала сарапшыларының назарында болады.
Көрмені республикадағы АӨК саласындағы осындай халықаралық форумдар мен конференциялардың жетекші ұйымдастырушыларының бірі – қазақстандық «EXPO TIME» компаниясы өткізеді. Қазақстанның ауыл шаруашылығы тауарын өндірушілері мен сала мамандары «Jańa Dala / Green Day 2024» дәстүрлі мамандандырылған халықаралық көрме-демонстрациялар бойынша «Expo TIME»-ды жақсы біледі. Бұл Дала күні форматында ұйымдастырылатын АӨК-дегі отандық ең ауқымды іс-шара.
Айта кету керек, «Jańa Dala / Farm Astana ‘2024» және «Jańa Dala / Vet Astana ‘2024» еліміздің аграрлық саласында сұранысқа ие көрмелер. Олардың стендтерінде мал шаруашылығы мен құс шаруашылығы саласындағы заманауи ұсыныстар, жем-шөп өндірісі, ветеринария, ірі тауарлы сүт өндірісі саласындағы соңғы әзірлемелер ұсынылатын болады.
Көрмелердің мақсаты – қазақстандық мал шаруашылығы мен құс шаруашылығы кәсіпорындарына тәжірибе және өндіріс технологияларымен алмасу платформасын қамтамасыз ету арқылы бизнесті тиімді жүргізуге жәрдемдесу. Бүгінгі таңда бұл іс-шаралар тек қана демонстрациялық формат деңгейінен өтіп, республиканың АӨК-дегі өзекті міндеттерін талқылайтын және оның шешу жолдарын қарастыратын пәрменді алаңға айналды.
Айта кету керек, қазақстандық азық-түлік және ветеринариялық препараттар индустриясы өкілдерінің өтініші бойынша алғаш рет 2024 жылдың 6-7-8 қарашасы күндері көршілес Radisson Hotel Astana залдарында «Jańa Dala / Pet Food ‘2024» үй жануарларына арналған тауарлар мен қызметтердің халықаралық көрмесі өтеді. Бұл іс-шара үй жануарлары иелерінің өте ауқымды аудиториясына бағытталған. Мәселен, иттер мен мысықтардан бастап тотықұс пен аквариум балықтарына дейін болады. «Jańa Dala / Pet Food ‘2024» көрмесіне селекционерлер, ветеринарлар, өндірушілер, жеткізушілер, Азық-түлік және үй жануарларының денсаулығын қорғау дистрибьюторлары қатысады.
«Jańa Dala / Farm Astana ‘2024» мал шаруашылығы мен құс шаруашылығы жөніндегі халықаралық көрменің, «Jańa Dala / Vet Astana ‘2024» жем-шөп және ветеринария жөніндегі халықаралық көрменің, сондай-ақ «Jańa Dala / Pet Food ‘2024» үй жануарларына арналған тауарлар мен қызметтер көрмесінің жұмысына бизнес өкілдері ғана қатыспайды.
Конференциялар, семинарлар, консультациялар жұмысына іс-шаралар барысында ҚР Ауыл шаруашылығы министрлігінің өкілдері, ҚР Парламенті Мәжілісінің депутаттары, салалық қоғамдық ұйымдар мен бірлестіктердің, шетелдік өкілдер мен отандық даму институттарының сарапшылары шақырылды. Соңғысына республиканың агроөнеркәсіп кешеніндегі негізгі қаржыландыру ұйымы «Аграрлық несие корпорациясы» АҚ жатады. Аграрлық несие корпорациясы көрмелер жұмысына белсенді түрде қатысады және отандық фермерлерге агробизнесті дамыту мәселелерінің кең ауқымы бойынша – несиелеу мәселелерінен бастап ірі инвестициялық жобаларды іске асыруға дейін консультациялар береді.
Заманауи аграрлық технологияларды жеткізуші компаниялар үшін үш көрме ірі ұйымдармен де, шағын шаруашылықтармен де, жануарлар иелерімен де іскерлік байланыстар орнатуға тиімді салалық алаңға айналады. «Jańa Dala / Farm Astana ‘2024», «Jańa Dala / Vet Astana ‘2024» және «Jańa Dala / Pet Food ‘2024» экспоненттері көрмеге қатысу бизнесті дамыту үшін маңызды деп санайды. Бұл көрмеге келетін 3000-нан астам кәсіби мамандарға тауарлар мен қызметтерді ұсынуға мүмкіндік береді.
«EXPO TIME» компаниясы өткізетін іс-шаралар туралы толық ақпаратты мына сілтеме арқылы https://expotime.kz оқи аласыздар. Өтінімдерді қабылдау және орындарды брондау мәселелері бойынша мына байланыс телефондары арқылы хабарласуға болады: expotime.kz@gmail.com; +7 701 588 5497, +7 776 916 44 99, +7 701 516 4102, +7 778 562 6736, +7 701 235 2999, +7 701 460 9182, +7 702 870 8075, +7 707 545 1662.
