Бір ғана Қарағанды облысында жыл сайын 1 миллион тонна жүн қырқылады, деп хабарлайды 24KZ. Бірақ текке шіриді. Болмаса шаруалар амалсыз өртеп жібереді. Әйтпесе, мал ауруын туғызуы мүмкін. Жергілікті билік осы жүнді кәдеге жарату үшін енді қандай шара қарастырмақ?
Мәселен, Нұра ауданының Изенді ауылында 1999 жылы асылтұқымды қой шаруашылығын ашқан Қанат Отарбаевтың отарында қазір 10 мыңға жуық биязы жүнді қой бар. Жартылай қылшықты қой жүні – кілем, тоқыма өнеркәсібіне таптырмас шикізат. Дегенмен соңғы жылдары ұраныс жоқ. Ауылға келетін алыпсатарлар да биыл төбе көрсетпеген.
«Себебі елдегі жеңіл өнеркәсіптің мардымсыздығы, жүнге сұраныстың жоқтығы олардың да жұмысын қаңтарып тастады», — дейді фермер.
Жергілікті билік жүнді өткізу, өңдеу ісін дамыту үшін инвестиция тартуға тырысып жатыр. Әзірге нәтиже жоқ.
«Ол мәселе бар біз қазіргі таңда жүн өңідеуді қолға алу үшін жан-жақты инвесторлармен қолға алып отырмыз. Мүмкін арзандатылған несие берерміз, мынау біздің әлеуметтік-кәсіпкерлік корпорациясы арқылы немесе басқа да қажеттілік, инженерлік-инфрақұрылым қажет болса, оның барлығына біз көмектесуге дайынбыз», — дейді облыс әкімінің ауыл шаруашылығы жөніндегі орынбасары Бауыржан Асанов.
Былтыр облыста 1 миллион тоннадан астам жүн өндірілген. Бұл жылдағыдан 2%-ке көп. «Шикізат көлемі артқанымен, оны кәдеге жарату жағы ақсап тұр», — дейді шаруалар.
https://24.kz/kz/zha-aly-tar/ekonomika/item/678086-ara-andy-oblysynda-oj-zh-ni-k-dege-aspaj-zhatyr
