Қазақстандық мектептерде агросыныптарды іске қосу жоспарлануда, онда олар фермерлік істің негіздерін және агроөнеркәсіп секторындағы жұмысты оқытатын болады. Пилоттық жоба еліміздің үш өңірінде іске қосылады. Бұл туралы Ауыл шаруашылығы вице-министрі Аманғали Бердалин Мәжілістің Аграрлық мәселелер жөніндегі комитетінің отырысында айтты, деп хабарлады eldala.kz.
«Қазақстанда салалық қажеттіліктерді ескере отырып, колледждермен, университеттермен және жұмыс берушілермен ынтымақтастықта агросыныптарды енгізу қажет деп санаймыз. Пилоттық режимде мұндай агросыныптарды Ақмола, Солтүстік Қазақстан және Қостанай облыстарында ашу жоспарлануда», — деді Аманғали Бердалин.
Оның айтуынша, агросыныптар жастарды салаға тартуға және білікті мамандарды даярлауды қамтамасыз етуге көмектеседі. Мұндай сыныптар оқушыларға аграрлық секторда практикалық жұмыс тәжірибесін алуға мүмкіндік береді, ал олардың түлектері университеттерге түскенде гранттарға ие болады.
Сондай-ақ ауылдық жерде кемінде үш жыл жұмысқа орналасу және жұмыс істеу міндеттемесімен білім беру гранттарына квоталар енгізу мәселесі пысықталатын болады. Сонымен қатар, студенттер заманауи практикалық дағдыларды игерулері үшін ЖОО-ның материалдық-техникалық базасын күшейту жоспарланған.
Сурет: ашық ақпарат көзінен
