«Canadian Chicken Ltd» компаниясы құс етін өндіру және қайта өңдеу жөніндегі қазіргі заманғы кәсіпорынды салу жөніндегі ауқымды жобаны іске асыруға кірісті, деп хабарлайды АШМ ресми сайты.
Инвестициялық құны 55,4 млрд теңге болатын жоба 2029 жылға дейін бірнеше кезеңде іске асырылады. Құс фабрикасының 50 мың тонна құс етін өңдейтін қуаты болады және 500-ден астам жаңа жұмыс орны ашылады.
Қазіргі уақытта ауданы 300,5 гектар жер телімі анықталды, толыққанды бизнес-жоспар әзірленді. Кәсіпорында жетекші әлемдік өндірушілер — MEYN, Pass Reform және BIG Dutchman жабдықтары орнатылатылады. Жобаны іске асыруға Canagrotek компаниясының құс шаруашылығы саласындағы мамандары атсалысады. Бұл – салаға озық технологиялар мен тәжірибелерді пайдалануға мүмкіндік береді.
Айта кетейік, «Canadian Chicken Ltd» компаниясы асыл тұқымды құстың балапандарын өсіруге, құс етін қайта өңдеу мен консервілеуге маманданған.
Сурет poultryworld.net
