Бүгінгі таңда негізгі дәнді дақылдар бойынша 13,6 млн гектардан астам жердегі дәнді және бұршақты дақылдар жиналды. Орташа өнімділік гектарына 14,8 центнерден айналып, 20 млн тоннадан астам астық жиналды, деп хабарлады Ауыл шаруашылығы министрлігінің ресми сайты.
Бидай 10,7 млн га алқаптан жиналды. Өнімділігі гектарына 14,2 центнерден айналып, 15,2 млн тонна , 1,9 млн гектар жерден орылған арпа 3,3 млн тонна болды, сұлы — 158,2 мың гектардан жиналған сұлының көлемі 250 мың тоннаны құрады.
Биыл 494 мың гектарға егілген майлы дақылдардың орташа түсімділігі гектарына11,5 центнерден айналып, 568 мың тонна өнім жиналды.
2,2 млн тоннаға жуық картоп, 2,4 млн тоннадан астам көкөніс дақылдары, 5 млн тоннадан астам бақша дақылдары жиналды.
Естеріңізге сала кетейік, көктемгі егін егу мен күзгі жиын-терім жұмыстарын жеңілдікпен қаржыландыру көлемі 580 млрд теңгеге жетті, бұл өткен жылдармен салыстырғанда 3 есе көп.
