«ҚазАгроҚаржы» АҚ ауыл шаруашылығы техникасының жылдық сыйақы мөлшерлемесі 6% болатын жеңілдетілген лизинг бағдарламасын бастады. Бұл шара техникалық паркті минималды қаржылық жүктемемен жаңартуға мүдделі шаруаларды қолдауға бағытталған деп хабарлайды компанияның баспасөз қызметі.
Бағдарлама отандық кәсіпорындар өндірген және құрастырған техниканы, атап айтқанда тракторлар мен комбайндарды тиімді шарттармен ұсынады. Бстапқы жарнасыз және 10 жылға дейінгі мерзімге лизингке сатып алуға мүмкіндік беріліп отыр.
«Фермерлер бұл бағдарламаның қайта іске қосылуын күтті. Бағдарламаның негізгі басымдықтары өзгерген жоқ: жылдық сыйақы мөлшерлемесі 6%, кепіл мен бастапқы лизингтік төлемнің қажеті жоқ. Бұл дала төсінде тер төгетін шаруаларға нақты қолдау», — деді «ҚазАгроҚаржы» АҚ Басқарма төрағасы Айдар Прашев.
Осы қаржыландыру механизмі арқылы бір клиенттің 205 миллион теңгеге дейінгі мөлшерде және 3 техника сатып алуына болады.
«ҚазАгроҚаржы» бұл бағдарламаның қазіргі жылдық сыйақы мөлшерлемесі 5% «Жеңілдетілген лизинг» бағдарламасынан айырмашылығын қандай екенін айтты. Ол қожалығының көлеміне қарамастан барлық шаруаға арналған. Мөлшерлеме төмен, бірақ мерзімінде шектеу бар – 7 жылға дейін, сондай-ақ 10%-дан басталатын алғашқы жарнасы бар. Сондай-ақ, 2025-жылдың соңына дейін негізгі борышты төлеудің жеңілдетілген кезеңі берілген.
Ал 6%-бен берілетін лизинг бағдарламасы трактор мен комбайн смяқты базалық техникаға мән беретін, ұзақ мерзімге жоспарлайтын және бастапқы шығындарсыз іс жүргізгісі келетін ауыл шаруашылығы өнімін өндірушілерге есептелген. Бұл ұсыныс әсіресе аванс пен кепіл беру мүмкіндіктері бола бермейтін, алайда егіс жұмыстарын жүргізу үшін заманауи техникаға мұқтаж ауқымды емес орта қожалықтар үшін өте өзекті.
Бағдарламаға қатысу үшін https://t.me/kaz_agro_finance_bot тelegram-ботта өтінім беруге не «ҚазАгроҚаржы» АҚ өңірлік филиалдарына жүгінуге болады. Қосымша ақпарат компанияның www.kaf.kz ресми сайтында көрсетілген.
Сурет:Agrotrend.kz
