Жамбыл облысында жылына 30 млн жұмыртқаға арналған инкубатор іске қосылды. Құны 4 млрд теңге болатын кешенді «Алель Агро» АҚ салды, деп хабарлайды Ауыл шаруашылығы министрлігінің ресми сайты.
Инкубаторды іске қосу компанияның өңірдегі құс шаруашылығын дамыту жөніндегі ауқымды бағдарламасының бір бөлігі. 2022 жылы «Алель Агро» құс фабрикасы, 2023 жылы қуаттылығы жылына 96 мың тонна болатын құрама жем өндіретін зауыт ашылды.
Айта кетейік, Жамбыл облысында 5 ірі құс шаруашылығы кәсіпорны жұмыс істейді. «Әулие-ата Феникс», «Алель-Агро», «Қордай құс» және «БМ Агропродукт» ЖШС құс етін, ал «Аса-Даму» ЖШС жұмыртқа өндірумен айналысады.
Жыл басынан бері өңірде 12,8 мың тонна құс еті өндірілді, бұл 2023 жылдың сәйкес кезеңімен салыстырғанда 13,2%-ға артық. Жұмыртқа өндірісінің өсімі 3,0%-ға жетті немесе 89,5 млн жұмыртқа. 475,9 тонна құс еті экспортталды.
Фото АШМ сайтынан
