Өңірде көктемгі егіс жұмыстарына дайындық жалғасуда. Ауыл шаруашылығы дақылдарының жалпы егіс алқабы 510 мың гектардан асады, оның ішінде дәнді дақылдар — 295,3 мың гектарды, майлы дақылдар — 89,7 мың гектарды, қант қызылшасы — 12,2 мың гектарды, картоп — 6,8 мың, жемшөп дақылдары-97,3 мың гектарды құрайды.
Егіс науқанын сәтті өткізу үшін жаздық дақылдардың 52,1 мың тонна тұқымы дайындалды. Тұқымдарды зертханалық тексеру жалғасуда. Қант қызылшасын егуге 17,4 мың тонна тұқым қажет, оның негізгі көлемін Көксу қант зауыты мен «Жетісу ӘКК» қамтамасыз етеді.
Өңірдің шаруашылықтарына 58,8 мың тонна минералды тыңайтқыш қажет болады.
Көктемгі егіс жұмыстарының қалыпты жүргізілуін қамтамасыз ету үшін фермерлерге 5,5 мың тонна арзандатылған дизель отыны бөлінеді.
Егіс алқабына 20 414 техника жұмылдырылады, арнайы техниканың 99%-ы дайын.
«Кең дала-1» және «Кең дала-2» бағдарламалары аясында көктемгі дала жұмыстарын жүргізуге биыл 3,7 млрд теңге қарастырылған.
Бүгінгі таңда Аграрлық несие корпорациясына 4,3 млрд теңгенің 170 өтінімі жолданды, 2,5 млрд теңгенің 77 өтінімі бойынша қаржы бөлінді.
Сурет: Agrotrend.kz
