Ақмола облысында 100-ден астам адам «Ауыл аманаты» жобасы бойынша жеңілдікпен несие алды, деп хабарлады «AMANAT» партиясының облыстық филиалы.
Биыл Ақмола облысында «AMANAT» партиясының «Ауыл аманаты» жобасы бойынша қаржыландыруға 108 өтінім мақұлданды. Жоба 2023-жылы ауыл халқының тұрмыс деңгейі мен табысын арттыру мақсатында басталған еді. Бүгінде ол облыстың барлық 17 ауданын, 220-дан астам ауылдық округті және 400 мыңға жуық тұрғынды қамтыды. Жоба бойынша несие жеті жылға дейінгі мерзімге жылдық мөлшерлемесі 2,5%-бен беріледі.
Өткен жылы жоба аясында 1,2 млрд теңге сомасына 198 шағын несие берілді. Бұл қаражат ауыл тұрғындарына бизнес-жобаларды ашып, кеңейтіп қана қоймай, 300-ге жуық жаңа жұмыс орындарын құруға мүмкіндік берді. Қаржының көп бөлігі мал шаруашылығын дамытуға бағытталған. Осының арқасында өңір ауылдарында ірі қара мен ұсақ мал саны 3 мыңға артқан.
Жобаға қатысушылардың бірі Зеренді ауданына қарасты Ақан ауылының тұрғыны Александр Клибанский. Ол жеңілдетілген несиеге 90 бас қой сатып алған. Қазіргі уақытта шаруашылығын дамыту бағытында жұмыс істеп жатыр.
«Көптеген ауыл тұрғындары менің жолымды ұстанады және ауыл тұрғындарының табысын арттыруға бағытталған осы бағдарламаға қатысады. «Ауыл аманаты» бағдарламасының арқасында ауыл шаруашылығы дамитынына сенемін», — дейді фермер.
Сурет: Agrotrend.kz
