Биыл Алматы облысында әйгілі Апорт бақтарын отырғызу басталады, деп хабарлайды Ауыл шаруашылығы министрлігінің баспасөз қызметі. 2025-2028 жылдарға арналған жоба 25 мың көшет өсіруді және 110 гектар алқапқа алма бақтарын отырғызуды көздейді. Қазіргі таңда жоба толық қаржыландырылып, Қазақ жеміс-көкөніс шаруашылығы ғылыми-зерттеу институты қызметкерлері Жол картасын іске асыруға кірісті.
«Біз бұл сортты жаңғырту отандық бау-бақша шаруашылығын дамытудағы маңызды қадам болатынына және қазақстандықтарды сапалы әрі дәмді жемістермен қамтамасыз етуге мүмкіндік беретініне сенімдіміз», — деп атап өтті ҰАҒББО өкілдері.
Жаңа бақшалардан алғашқы өнім сегіз жылдан кейін алынады деп күтілуде. Ғалымдар заманауи агротехнологияларды ескере отырып, өнімділік алғашқы кезеңдерінде бір алма ағашынан 57,7 кг және жасамалы алма ағашынан 100 келіге дейін өнім алынатынына сенімді.
«Апорт» ұзақ сақталатын жеміс, осының арқасында алыс-жақын елді-мекендерге оңай тасымалдауға болады. Заманауи технологияларды қолдану арқылы Апортты маусым айларына дейін сақтауға мүмкіндік бар.
Мамандардың пікірінше, Апорттың қайта жандануы шаруа қожалықтарының дамуына жаңа мүмкіндіктер ашып, ауыл шаруашылығы саласына инвестиция тартуға жол ашады.
Cурет: АШМ
