Ақтөбе облысындағы KazFelTec зауыты қой жүнінен жылу және дыбыс оқшаулағыш материалдар, сондай-ақ NomadTherm брендімен техникалық киіз шығарады. Зауытқа шикізат негізінен Қазақстанның батыс және оңтүстік өңірлерінің фермерлік шаруашылықтарынан түседі. Өндіріс жылына 3 600 тоннаға дейін жүнді қайта өңдеуге және 2 100 тоннаға дейін дайын өнім шығаруға қабілетті. Қазір кәсіпорын экспортқа шығуға дайындалып жатыр. Бұл туралы Өнеркәсіп және құрылыс министрлігінің баспасөз қызметі хабарлады.
Ведомствоның мәліметінше, қазір KazFelTec Швейцария мен Еуропалық Одақ елдеріндегі әлеуетті серіктестермен келіссөздер жүргізуде және өнімдерді қажетті сертификаттау рәсімдеріне дайындауда.
Ведомство зауытта өндірілген жылу және дыбыс өткізбейтін панельдер рамалық қабырғаларда, шатырларда және едендерде, сондай-ақ СИП- және сэндвич панельдеріне толтырғыш ретінде қолданылатынын түсіндірді. Материал -50°C-тан +200°C-қа дейінгі температура диапазонында қасиеттерін сақтайды, құрылымдардың ішінде ылғал жинамайды және әлсіз жанғыш, өздігінен сөнетін материалдарға жатады. Техникалық киіз өнеркәсіптік тығыздағыштарда, жабдықтың діріл оқшаулауында және сүзгіде, арнайы киім, аяқ киім және аксессуарлар өндірісінде, сондай-ақ ауыл шаруашылығында қолданылады.
Материалдың тағы бір қолданылуы бар – қалаларды көгалдандыру. Экологтармен бірге компания ағаш отырғызу кезінде киізді жабын ретінде пайдаланады. Ол топырақтағы ылғалды сақтайды және көшеттердің тамыр жаюына көмектеседі.
«Қазақстандықтар үшін киіз – жақсы таныс және біздің тарихымыз бен мәдениетіміздің бір бөлігі болып табылатын материал. Біздің міндетіміз – заманауи технологиялардың арқасында ол құрылыс пен өнеркәсіптен бастап ауыл шаруашылығы мен қалаларды көгалдандыруға дейін қолданудың жаңа бағыттарын алғанын көрсету. Қазақстанда табиғи және экологиялық материалдарға деген қызығушылық тек арта түсетініне сенімдіміз», — дедді «KazFelTec» ЖШС директоры Ерлан Джанабергенов.
Сурет: Өнеркәсіп және құрылыс министрлігі
