Түркістан облысының Сарыағаш ауданына қарасты Қабланбек ауылдық округінде көкөніс егу науқаны басталды, деп хабарлады аудан әкімдігінің баспасөз қызметі. Жергілікті шаруалар дала жұмыстарына қызу кіріскен.
Қабланбек ауылдық округіндегі шаруа қожалығының басшысы Қалдан Мұсабеков биыл жалпы 5 гектар жерге “Аризона” сұрпты картоп, сондай-ақ 5 гектар алқапқа сәбіз егіп жатыр.
“Мол өнім алып, жергілікті нарықты сапалы ауыл шаруашылығы өнімдерімен қамтамасыз ету үшін қамданған шаруалардың қатары көбейіп келеді. Көктемгі дала жұмыстары ауданда кезең-кезеңімен жалғасатын болады”, — делінген әкімдік таратқан ақпаратта.
Сурет: аудан әкімдігі
