Жамбыл облысының өндірушілері ет пен ет өнімдерін Катарға экспорттай бастайды. Мұндай келісімге аймақ делегациясының Дохаға сапары барысында қол жеткізілді, деп хабарлады Ауыл шаруашылығы министрлігінің баспасөз қызметі.
Меркі ет комбинаты мен Al Dayat For Trading компаниясы Катар мемлекетіндегі Қазақстан елшілігінде 200 тонна ет пен ет өнімдерін экспорттау келісімшартына қол қойды.
«Біздің өңірдің жоғары сапалы өнімі Катар нарығында үлкен сұранысқа ие болатынына сенімдіміз», — деді Жамбыл облысы әкімінің орынбасары Әбілқайыр Тамабек.
Жамбыл облысындағы «Сарыбас» ЖК, «Сәуле» кондитерлік фабрикасы, «Тараз халва» ЖШС, «KazirAgro» ЖШС, «БИК» ЖШС және «Ақмол» ЖШС өнімдері Доха компанияларының үлкен қызығушылығын тудырған.
Сурет АШМ сайтынан алынды
