17–18 шілде күндері Қазақстанның агроөнеркәсіп кешеніндегі ең ауқымды Jańa Dala / Green Day ‘2025 арнайы демонстрациялық көрмесі ұйымдастырылады. Өтетін жері Астанадан 20 шақырым жердегі «Ақтық» АҚ демонстрациялық алқабы (Ақмола облысы, Целиноград ауданы, Нұресіл ауылы).
Jańa Dala / Green Day ‘2025 көрмесіне 20-дан астам алыс және жақын шетелдерден 200-ден астам компания қатысады деп күтілуде. Сондай-ақ, агроөнеркәсіп кешені мен агробизнес саласының 5 мыңнан астам кәсіби маманы келеді. Ауыл шаруашылығы саласының әлем бойынша келешегі зор бағыттары «Ауыл шаруашылығы техникасы мен жабдықтары», «Егіншілік», «Мал шаруашылығы», «Тиімді гектар» бөлімдерінде көрсетіледі. Көрме аясында 500-ден астам түрлі ауыл шаруашылығы техникасы мен кең ауқымды жоғары технологиялық жабдықтардың таныстырылымы жоспарланып отыр.
Көрмеде Франция, Ұлыбритания, Нидерланды сияқты әлемдік аграрлық өндіріс көшбасшыларының ұлттық павильондары ұсынылады. Франция көрменің ресми серіктесі ретінде қатысады.
Ең қызығы – «Үздік бұқа» ұлттық байқауы ұйымдастырылмақ.
«Абсолютті чемпион» атанған қатысушыға бас жүлде ретінде жаңа YTO тракторы беріледі. Қатысушыларды АҚШ, Ұлыбритания, Ресей және Қазақстаннан шақырылған тұқымдық мал шаруашылығы саласындағы жетекші мамандардан құралған халықаралық қазылар алқасы бағалайды.
Мерекелік бағдарламада – ауыл шаруашылығы жануарларының көрмесі және Ангус, Әулиекөл, Герефорд, Қазақтың ақбас, Қалмақ сиыр тұқымдары бойынша жарыс, бұқалардың аукционы, сондай-ақ стейк фестивалі – Black Angus, Qazaq Aqbas, QALMAQ Meat, Столичная трапеза брендтерінен шеберлік сабақтары өтеді.
Іс-шараның қонақтары мен қатысушылары қатарында – ҚР Ауыл шаруашылығы министрі, Ақмола облысының әкімі, Франция, Беларусь Республикасы, Ұлыбритания, Германия, Нидерланд Корольдігінің Төтенше және Өкілетті Елшілері, Ресей Федерациясының кең өкілдігі, сондай-ақ облыстық және аудандық әкімдіктер делегациялары бар.
Көрме 2013 жылдан бері өткізіліп келеді және республикадағы ең ірі демонстрациялық алаң болып табылады. Мұнда заманауи ауыл шаруашылығы технологиялары, жоғары өнімді техника, сондай-ақ мал шаруашылығы, генетика және селекция саласындағы инновациялық әзірлемелер, ветеринария, агрономия, агрохимия және органикалық егіншілік бойынша жаңа шешімдер ұсынылады.
«Jańa Dala / Green Day» ақпараттық орталығы
Ринат Тасбулатов, 8 701 460 91 82
e-mail: rinat_tas@mail.ru
https://expotime.kz
https://t.me/jana_dala
https://www.instagram.com/jana_dala_greenday/
