IL-TOV компаниясы тауық кеуде сүбесінен жартылай фабрикаттар өндіретін зауыттың қуатын кеңейту жобасын іске асыруда. Зауыт Қазақстан мен Орталық Азиядағы осы саладағы алғашқы кәсіпорын болмақ, деп хабарлайды Ауыл шаруашылығы министрлігінің баспасөз қызметі.
Қазіргі уақытта оның өндірістік қуаты жылына 3 346 тоннаны құрайды. 2026-2027 жылдары IL-TOV екі жаңа желіні қосуды жоспарлап отыр, бұл жалпы қуаттылықты 10 000-12 000 тоннаға дейін ұлғайтуға мүмкіндік береді. Инвестиция сомасы шамамен 4 млрд теңге.
Компания өндірісте заманауи және жоғары технологиялық жабдықтарды, өнімнің сапасына кепілдік беретін еуропалық технологиялар мен стандарттарды пайдаланады.
Дайындау технологиясы пайдалануға дайын өнімдердің 90%-ын қарқынды өнеркәсіптік пісіру, тез салқындату сияқты процестерді қамтиды. Бұл жарамдылық мерзімін сапаға нұқсан келтірмей 90 тәулікке дейін жеткізеді. Айта кету керек, өнімге консерванттар пайдаланылмайды, ал еуропалық стандарттарды сақтау өндірістен орауға дейінгі барлық кезеңдерде жоғары сапаға кепілдік береді.
Компанияның мақсаты – халықты жоғары сапалы тамақпен қамтамасыз ететін тамақ өнімдерін қайта өңдейтін өнеркәсіптік кәсіпорындар салу. Зауыт көкөніс қоймаларын, тоңазытқыш және мұздатқыш камераларды, ет комбинаттарын, балық комбинаттарын, көкөніс қоймаларын, салат және ұн өнімдерін өндіретін цехтарды, сондай-ақ көлік-экспедициялық кешендерді қамтитын болады.
Сурет: АШМ
