Ақмола облысы егін жинау науқанында жоғары нәтиже көрсетіп, еліміздің жетекші аграрлық өңірі мәртебесін растады, деп хабарлады Ауыл шаруашылығы министрлігінің баспасөз қызметі.
Жергілікті фермерлер 6 миллион тоннадан астам астық жинады. Тәуелсіздік жылдарында мұндай нәтиже тек 2011 жылы болған. Бұл соңғы жылдардағы өнімділік бойынша ең жоғары көрсеткіш.
Бүгінгі таңда 4,5 миллион гектар дәнді және бұршақты дақылдар жиналды, бұл жалпы егіс алқабының 96,1%-ын құрайды. Өңірдегі орташа өнімділік гектарына 14 центнерге жетті, алайда кейбір шаруашылықтардың жекелеген егістік алқаптарында заманауи агротехнологияларды қолданудың арқасында өнімділік гектарына 60 центнерге таяды. Мұндай көшбасшылардың қатарында «Максимовское» ЖШС (Сандықтау ауданы), «Дихан Плюс» ЖШС (Зеренді ауданы) және «Журавлевка-1» ЖШС (Бұланды ауданы) бар.
Аймақтың көптеген ірі ауылшаруашылық тауарын өндірушілері егін жинау науқанын аяқтады.
Ауыл шаруашылығы басқармасының басшысы Кенеш Әлімжановтың айтуынша, осындай нәтижеге ауыл шаруашылығы құрылымдарының, механизаторлардың, комбайнерлердің жемісті еңбегінің, сондай-ақ мемлекеттік қолдаудың арқасында қол жеткізілді.
Алдағы күндері аймақта егін жинау науқаны аяқталады
