2026 жылы Қазақстанда мал шаруашылығын дамыту жоспары аясында асыл тұқымды мал сатып алуға 64,2 млрд теңге бағытталды. Жоспар бойынша 29,6 мың бас ірі қара және 15,2 мың бас ұсақ мал сатып алу көзделген.
Ауыл шаруашылығы министрлігінің мәліметінше, несиелік бағдарламаларды іске асыруда Ақмола, Солтүстік Қазақстан және Батыс Қазақстан облыстарының әкімдіктері белсенділік танытып отыр. Алайда бірқатар өңірде жұмысты жандандыру қажеттігі атап өтілді.
Ведомство басшысы Айдарбек Сапаров өңір әкімдіктеріне әрбір жобаның іске асырылуын, өтінімдерді қараудан бастап, малды шаруашылықтарға жеткізуге дейінгі барлық кезеңді бақылауды тапсырды.
Министр мемлекеттік қолдау нақты нәтижеге бағытталуы керектігін атап өтті. Оның ішінде мал басын көбейту, өнім өндіру көлемі мен мал өнімділігін арттыру, сондай-ақ экспорттық әлеуетті кеңейту міндеттері бар. Кешенді жоспар көрсеткіштерін орындамаған өңірлер 2027 жылы жаңа жобаларды қаржыландырудан қағылуы мүмкін.
Министр әкімдіктерге «Игілік», «Береке» және «Жайлау» бағдарламалары бойынша бөлінген қаражаттың игерілуін, өндірістік көрсеткіштер мен жобалардың белгіленген мерзімде іске асырылуын қатаң бақылау тапсырылды.
Сурет:Agrotrend.kz
