Маңғыстау облысындағы «Қарағантүбек» серіктестігі түйе сүтін сауу және өңдеу цехын іске қосты, деп хабарлайды Ауыл шаруашылығы министрлігінің баспасөз қызметі.
Жобаның жалпы құны – 600 млн теңге.
Кәсіпорынның өндірістік қуаты тәулігіне 400 тонна түйе сүтін өңдеуге жетеді. Жаңа нысанның басты артықшылығы – сауу процесінің толық автоматтандырылған технологиясын қолдануы. Бұл өнім сапасы мен гигиеналық талаптардың жоғары деңгейде сақталуын қамтамасыз етеді. Қондырғылар Германиядан әкелінген және заманауи халықаралық азық-түлік өнеркәсібі стандарттарына толық сәйкес келеді.
Аймақтың климаттық ерекшеліктері мен су тапшылығын ескере отырып, кәсіпорын өзіне қажетті суды дербес жүйе арқылы қамтамасыз етеді. Өндірістік мақсатта 150 метр тереңдікте ұңғыма бұрғыланған, ал алынған су көп сатылы сүзу және тазарту жүйесінен өтеді.
Сурет: АШМ
