Түркістанда Су ресурстары және ирригация министрі Нұржан Нұржігітовтің қатысуымен ағын суға қатысты мәселелер талқыланған мәжіліс өтті, деп хабарлады аймақ әкімдігінің баспасөз қызметі. Онда облыс аумағындағы вегетациялық маусымның өту барысы қаралып, су үнемдеу технологияларын енгізу жолдары айтылды.
«10 маусымнан бастап жаңа Су кодексі күшіне енді. Біраз өзгерістер бар. Оның ең ауқымдысы әрі маңыздысы су үнемдеуге басымдық берілуінде. Себебі, елімізде жылдан-жылға ағын су көлемі азайып келеді. Сондықтан ауыл шаруашылығында су үнемдеу технологияларын енгізуге басымдық беріліп, осы бағытта жұмыс істейтін шаруаларға қолдау күшейтіледі. Су үнемдеу технологиясын дамыту – заман талабы», – деді баяндамасында Нұржан Нұржігітов.
Биыл облыста ауыл шаруашылығы дақылдары 890 мың гектарға, яғни, өткен жылмен салыстырғанда 17 мың гектарға артық егілді. Оның ішінде, суармалы алқап 552 мың гектар.
Сурет: Agrotrend.kz
