«ҚазАзот» АҚ жаңа өнім — түйіршікті аммоний сульфатын шығара бастады. Бұл туралы Өнеркәсіп министрлігінің баспасөз қызметі хабарлады.
«Бұл тыңайтқыштың ерекшелігі — аммоний сульфаты жанама өнімдерден айырмашылығы оның жоғары тазалығы және мақсатты өндірісі. Технологиялық объектілерді реконструкциялаудың арқасында кәсіпорын аграрлық сектордың заманауи талаптарына сәйкес келетін тыңайтқыштың сапасы мен дәл агрохимиялық сипаттамаларын қамтамасыз етеді. Өндірістің жобалық қуаттылығы жылына 40 мың тоннаны құрайды», — деп хабарлады министрлік.
Шығарылатын өнім мемлекеттік субсидиялау бағдарламасына енгізілген. Бұл қазақстандық ауыл шаруашылығы өндірушілеріне тыңайтқыш құнының 60%-на дейін өтемақы алуға мүмкіндік береді. Осы қолдау аясында биылдың өзінде еліміздің солтүстік және оңтүстік өңірлерінің фермерлеріне 8,5 мың тоннадан астам аммоний сульфаты жеткізілді.
«ҚазАзот» АҚ-ның жаңа өнімі өнімділікті арттыруға, топырақ құнарлылығын жақсартуға ықпал етеді және импорттық тыңайтқыштарға тәуелділікті азайтады, осылайша Қазақстанның азық-түлік қауіпсіздігін қамтамасыз етуге елеулі үлес қосады», — делінген ведомство таратқан ақпаратта.
Бұған дейін Қазақстанда алдағы бес жылда карбамид, калий хлориді және дикальций фосфатын өндіруді бастау жоспарланып отырғаны хабарланған еді.
Сурет: Өнеркәсіп министрлігі
