Маусым айының 19-22 күндері Жетісу облысының Алакөл ауданына қарасты Лепсі ауылында мал шаруашылығына арналған «LEPSI 2025» ауқымды халықаралық ауыл шаруашылығы көрмесі өтеді.
«LEPSI 2025» халықаралық көрмесінің ашылуында Жетісу облысының әкімі Бейбіт Исабаев, «ZHERSU» корпорациясының төрағасы Бауыржан Оспанов, ҚР Ауыл шаруашылығы вице-министрі Аманғали Бердалин сөз сөйлеп, Ауыл шаруашылығы қызметкерлері күніне орай еңбеккерлерді марапаттайды.
Іс-шара аясында Канада, АҚШ, Ұлыбритания, Чехия, Эстония, Румыния, Франция, Қытай, Уругвай, Өзбекстан, Қырғызстан, Моңғолия, Ресей, Түркия және БАӘ елдерінен келген өкілдердің қатысуымен халықаралық сиез болады. Онда ҚР Ауыл шаруашылығы министрлігінің, «Қазақстан ет одағының», «Аграрлық несие корпорациясы» АҚ-ның, Жетісу облысы әкімдігінің өкілдері, Республикалық етті тұқымды мал палаталарының өкілдері мен халықаралық сарапшылар баяндама жасайды.
Сондай-ақ, көрме аясында өтетін негізгі іс-шаралар:
• «Еділбай» асыл тұқымды қой көрмесі;
• Асыл тұқымды ірі қара, жылқы, түйе көрмелері;
• Ауыл шаруашылығы техникалары мен жабдықтарының көрмесі;
• Ұсақ мал тұқымдары арасында «Абсолютті чемпион 2025» атағына конкурс;
• Ірі қара тұқымдары арасында «Тұқым чемпионы 2025» атағына конкурс;
• Ірі қара тұқымдары арасында «Абсолютті чемпион 2025» атағына финалдық конкурс;
• Салтанатты марапаттау рәсімі.
Сонымен қатар ауқымды көрмеде «Аламан бәйге», балуандар күш сынасатын «Қазақша күрес» және өнер жұлдыздарының қатысуымен концерттік бағдарламалар ұйымдастырылады.
Толық ақпарат алу үшін: Айгерім — +7 771 777 46 66.
Сурет: LEPSI 2025
