Қостанай облысында ауыл шаруашылығы жануарларын бірдейлендіру (АЖБ) және олардың орнын ауыстыруды бақылау жұмыстары жанданды. Бұл туралы аймақтық ветеринария басқармасынан хабарлады.
Жыл басынан бері өңірге 578 мыңнан астам құлақ сырғалары жеткізілді. Бұл көлем жас төлдерді уақтылы сәйкестендіру және ересек малдағы белгілерді ауыстыру үшін жеткілікті. 2024 жылы 650 мың бирка сатып алынды — сатып алу жергілікті бюджет есебінен қамтамасыз етіледі.
Ветеринария басқармасы басшысының м.а. Марат Күзембаевтың хабарлағандай, ақпан айынан бастап Қостанай облысында аулаларды аралау тұрақты жүргізіледі, малды тоқсан сайын қайта есептейді. Мұндай аралау кезінде мамандар есепке алынбаған мал басын анықтап, иелеріне түсіндіру жұмыстарын жүргізеді.
21 сәуірден бастап АЖБ мемлекеттік ақпараттық жүйесінде жаңа функционал жұмыс істей бастады. Енді барлық жаңа туған бұзаулар енесінің жеке нөміріне міндетті түрде тіркеледі. Жануарларды сатып алу-сату, сою және есептен шығару бойынша барлық операциялар тек жүйе арқылы жүргізіледі. Бұл малдың орнын ауыстырудың ашықтығы мен бақылануын арттыруға мүмкіндік береді.
Сонымен қатар, TortTulik мобильді қосымшасы жұмыс істейді, оның көмегімен фермерлер, сондай-ақ жеке кәсіпкерлер малдың сандық есебін жүргізе алады, электрондық ветеринариялық паспорттарды ала алады және мәмілелерді өздері рәсімдей алады.
Ветеринарлық қызмет АЖБ жүйесінде деректерді редакциялау қарастырылмағанын, сондықтан мал иелері енгізілген ақпараттың дұрыстығына толық жауапты екенін атап өтті.
Сурет: ашық ақпарат көзі
