Қарағанды облысының Бұқар Жырау ауданында сүт өнімдерін өндіретін цех, сондай-ақ ет комбинаты бар бордақылау алаңы салынады. Бұл туралы өңірлік әкімдіктің баспасөз қызметі хабарлады.
Өңірде ауыл шаруашылығында 36,4 млрд теңгеге 24 инвестициялық жоба іске асырылуда. Олар мал шаруашылығы мен өсімдік шаруашылығын дамытуға бағытталған. Биыл өндіріс көлемін 5%-ға арттыру жоспарлануда.
Ауыл шаруашылығы басқармасының басшысы Саят Мусиннің айтуынша, жоспарланған жобалардың басым бөлігі өсімдік шаруашылығына – 11, мал шаруашылығына – 6, қайта өңдеу саласына – 7 тиесілі.
Биыл ауыл шаруашылығы дақылдарының алқаптары 104,9 мың гектарға ұлғайтылып, 1,2 млн гектарға жуық болады. Егіс алқаптарын қайта бөлу жүргізілуде: бидай егістігін қысқарту есебінен майлы және жем-шөп дақылдарын өсіру ұлғайтылуда. Сондай-ақ картоп пен көкөністерді көбірек егу жоспарлануда.
Қазір егіс науқанына дайындық белсенді жүріп жатыр. Фермерлер тұқым, тыңайтқыш, дизель отынын сатып алып, техниканы жөндеуді аяқтады. Арзандатылған дизель отынын жеткізу басталды.
Әкімдіктің мәліметінше Нұра ауданында өсімдік шаруашылығы мен мал шаруашылығын дамытудан басқа жаңа бағыт – балық өсіру ісі қолға алынды. Ахмет ауылында форель шаруашылығы жобасы жүзеге асырылуда.
Сурет: Agrotrend.kz
