«ҚазАгроҚаржы» АҚ қытайлық Weichai Lovol Intelligent Agricultural Technology Co., Ltd және қазақстандық AGROMASH зауытымен үшжақты келісім жасасты. Келісім аясында елімізге заманауи жаңа мың LOVOL тракторы фермерлерге арнайы бағамен сатылатын болады, деп хабарлады «ҚазАгроҚаржы» АҚ ресми сайты.
Тракторларды келесі жылғы егін егу науқаны басталар алдында сатылымға шығару жоспарланып отыр.
«Бүгінгі басты мақсаттардың бірі – АӨК саласын сапалы және сенімді техникамен қамтамасыз ету. «ҚазАгроҚаржы» АҚ елімізді ең қолайлы шарттар бойынша 10 жылдық мерзімге жылдық 5% мөлшермен техника лизингін ұсынады. Серіктестермен және зауыт-өндірушінің ұтымды ұсыныстары мен қолжетімді лизинг шарттарының бірігуі — қазақстандық фермелерге тракторлар паркін жаңартуда үлкен қолдау көрсетуге мүмкін береді»,- деді «ҚазАгроҚаржы» АҚ басқарма төрағасының орынбасары Айдос Сейітжанов.
2025 жылы егін егу науқаны кезінде AGROMASH зауытының локализация орталығында заманауи жаңа LOVOL тракторларының мың данасы шығарылады. Бұл тракторларды фермерлер арнайы бағамен сатып алу мүмкіндігіне ие болады.
Айта кететін жайт, ұсынылып отырған LOVOL бренді соңғы жылдары қазақстандық нарықта сенімді, сұранысқа ие және сатылымы жоғарғы маркалардың қатарында тұр. Тек осы жылдың 9 айында еліміздің астық егетін аймақтары 800 трактор сатып алған.
