Аймақта көктемгі дала жұмыстарын жүргізуге дайындық қызу. Биыл облыстағы егіс алқабы 641,2 мың гектарды құрайды, бұл 2024 жылмен салыстырғанда 14,5 мың гектарға артық. Негізінен дәнді дақылдар, майлы дақылдар және мал азығы дақылдары егіледі.
Жергілікті бюджеттен көктемгі дала жұмыстарын жүргізуге 4,5 миллиард теңге бөлінеді. Бұл қаражат тұқым шаруашылығын дамытуға, басым дақылдарды қолдауға және тыңайтқыштарды субсидиялауға жұмсалмақ.
Қазіргі таңда «Кең дала» бағдарламасы бойынша 29 шаруашылық 326 миллион теңгенің өтінімән берсе, «Кең дала 2» бағдарламасы бойынша 75 шаруашылық 2,7 миллиард теңге сұраған. 1,6 миллиард теңге сомасына өтінімдер мақұлданды, қалғандары қаралуда.
Фермерлер қажетті тұқымдармен қамтамасыз етілген. 20 мың тонна дизель отыны арзан бағада бөлінген. Оның құны 1 литріне 254 теңге.
Биыл 415 мың гектарға 83,1 мың тонна минералды тыңайтқыш себу жоспарланған.
Көктемгі дала жұмыстарын жүргізуге 7 311 ауыл шаруашылығы техникасы дайындалған. Биыл 400-ден астам жаңа ауыл шаруашылығы техникасын сатып алу жоспарланған, техниканың жаңарту деңгейі 6,5%-ды құрайды.
Сондай-ақ, су үнемдейтін технологияларды енгізу жұмысы күшейтіледі: бұл көрсеткішті 64,5 мың гектарға дейін жеткізу жоспарлануда.
Сурет: АШМ
