Қазақстанда тері мен жүнді қайта өңдеу бойынша өндірістік қуаттарды қалпына келтіру жоспарлануда, деп хабарлады Ауыл шаруашылығы министрлігінің баспасөз қызметі
Қазақстанда тері мен жүнді қайта өңдеу бойынша өндірістік қуаттарды кезең-кезеңімен қалпына келтіру және жаңғырту жүзеге асып келеді. Бұл туралы Үкімет отырысында Ауыл шаруашылығы министрі Айдарбек Сапаров мәлімдеді.
Министр 2025-жылы ірі нысандар пайдалануға берілгенін атап өтті. Олардың қатарында Ақтөбе қаласындағы қуаты 2,2 мың тонна «Қазфельтек» жүнді қайта өңдеу жобасы, Ақмола облысындағы қуаты 2,4 мың тонна «Агро Протеин» жем-шөп қоспаларын өндіру жобасы бар.
“Саланы одан әрі дамыту мақсатында 9,9 млрд теңгеге 8 инвестициялық жоба жүзеге асырылуда. Олар қосымша 1,3 млн тонна өңдеу қуатын іске қосады”, -деді Айдарбек Сапаров.
Сурет: ашық ақпарат көзі
