Жетісу облысындағы «Тәуелсіздік» ЖШС екі жаңа робот сатып алды, деп хабарлады Ауыл шаруашылығы министрлігінің баспасөз қызметі. Өндіріс Солтүстік Қазақстан облысының тәжірибесін тираждау жөніндегі бағдарлама аясында тауарлы сүт фермасын кеңейту және жаңғырту жөніндегі жұмысты жалғастыруда. 2024-жылы Даниядан 240 қызыл дат тұқымды сиыр және екі заманауи DeLaval роботтары сатып алынды.
Сауын роботының басты артықшылығы – сүт беру жылдамдығы, сиырлардың қозғалысын бақылау, сауу аралығы және сауынның аяқталмауы сияқты маңызды параметрлерді дәл өлшейді. Ол сондай-ақ мастит жағдайларын және ұрықтандыру уақытын анықтауға көмектесетін түрлі параметрлердің комбинациясын талдайды.
Сондай-ақ фермада мал азығының тұрақты түрде сиырға жетіп тұруын қамтамасыз ететін робот бар. Бұл робот бағдарламаланған маршрут бойынша жұмыс істейді және арнайы құрылғыдан зарядталады.
Жалпы, фермада 1100 сиыр бар, оның 600-і сауын сиырлар. Бір сиырдан күніне орта есеппен 37 литр сүт алып отыр. Қазіргі уақытта фермада 10 робот жұмыс істейді, оның екеуін жаңадан сатып алған.
Осылайша, «Тәуелсіздік» ЖШС тауарлы сүт фермасында заманауи технологияларды енгізу өндірістің тиімділігін арттырып қана қоймай, қызметкерлердің еңбек жағдайларын жақсартуға, тұтынушыларға сапалы өнім жеткізуге де ықпал етеді.
Cурет: АШМ
