Westfalia компаниясының қатысуымен «Атамекен-Агро-Корнеевка» ЖШС іске асырған жоба өңірдің сүт өндірісін дамытудағы маңызды қадам болды, деп хабарлады Ауыл шаруашылығы министрлігінің баспасөз қызметі.
2500 бас сиырға арналған тауарлы сүт фермасы жылына 7500 тонна сүт өндіре алады. Бұл өндіріс көлемін едәуір ұлғайтуға және сүт өнімдеріне деген сұранысты қанағаттандыруға мүмкіндік береді. Жобаның құны 11,7 млрд теңге.
Westfalia ферманы озық технологиялармен, соның ішінде жоғары өнімділікті қамтамасыз ететін T8900 заманауи сауу каруселімен, жануарлардың жайлылығын арттыру үшін әзірленген инновациялық қора жабдықтарымен, сиырларды ұстау үшін оңтайлы жағдай жасайтын климаттық бақылау жүйесімен жабдықтады.
Бұл ферманы іске қосу «Атамекен-Агро-Корнеевка» ЖШС-нің нарықтағы позициясын нығайтып қана қоймай, Солтүстік Қазақстан облысының агроөнеркәсіп кешенін дамытуға үлес қосады.
Сурет: АШМ
