Семей қаласында өсімдік майын өндіретін «AGRO OIL GROUP» зауыты ашылды. Зауыттың қуаттылығы жылына 150 мың тонна күнбағыс дәнін өңдеуге мүмкіндік береді, соның нәтижесінде 50-60 мың тонна май өндіріледі, деп хабарлады қала әкімінің баспасөз қызметі.
Зауытта заманауи жабдықтар мен инновациялық технологияларды пайдалану өнімнің жоғары сапасына кепілдік береді. Май Семейде сатылады және Қазақстанның басқа өңірлеріне жеткізіледі.
Кәсіпорында 50 жұмыс орны құрылды. Қала әкімі Нұрбол Нұрсағатов атап өткендей, мұндай кәсіпорындардың ашылуы Семей қаласының инвестициялық тартымдылығы мен жергілікті кәсіпкерлердің өндірісті дамытуға деген ынтасын арттырады.
Айта кетейік, Абай облысында биыл 295,8 мың гектарға майлы дақыл егілді. Өңір әкімдігінің мәліметінше, орташа өнімділігі гектардан 15 центенерден айналып, 444,8 мың тонна майлы дақыл жиналды.
Сурет: қала әкімдігінің сайтынан алынды
