Агроөнеркәсіп кешеніндегі қолданыстағы ерікті сақтандыру жүйесі 80% мөлшерінде сақтандыру сыйақыларын субсидиялау түріндегі мемлекеттік қолдау. Аграрлық секторда сақтандыруды дамытудың негізгі мақсаты – фермерлердің мүліктік мүдделерін қорғауды және агроөнеркәсіп кешені субъектілерін қаржыландырудың қолжетімділігін арттыру, деп хабарлады Аграрлық несие корпорациясының баспасөз қызметі.
Аграрлық несие корпорациясы агроөнеркәсіп кешендегі сақтандыру бағдарламасын іске асыру аясында жасалған сақтандыру шарттары бойынша сақтандыру сыйақысының бір бөлігін субсидиялау жөніндегі оператор қызметін атқарады.Сақтандыру Аgroinsurance онлайн-платформасы арқылы Kezekte.kz. порталында жүзеге асырылады.
Фермерлер үшін топырақтағы ылғал тапшылығы индексін және алма өнімін сақтандырудан бастап, ірі қара, ұсақ мал, жылқы, құс және басқа да жануарларды, жалпы өсімдік және мал шаруашылығы саласында сақтандыру өнімдері әзірленді. Өсімдік шаруашылығымен айналысатындар көктемгі егін егу мен күзгі жиын-терім жұмыстары кезінде топырақтағы ылғалдың жетіспеушілігінен және қалың жаңбырдан өз тәуекелдерін сақтандыра алады.
Бағбандар қолайсыз табиғи құбылыстардан, зиянкестер немесе аурулардан, жабайы жануарлардың зақымдауынан қарқынды және жартылай қарқынды бақтарда өсірілген алма дақылдарының зиян шегуінен және алма ағаштарының қурап қалуынан сақтандыра алады. 2020-2024 жылдары АШТӨ ерікті сақтандыру жүйесін іске асыру барысында 1 470 мың гектардан астам егіс алқабы, 84 мың бас мал және 13 336 мың бас құс сақтандырылды, сақтандыру сыйақысының бір бөлігін субсидиялау 5,9 млрд. теңгені құрады.
Сақтандыру жағдайларының нәтижесінде сақтандыру компаниялары жасалған шарттар бойынша фермерлерге 7,3 млрд. теңгеден астам қаржы төледі, бұл ретте фермерлер үшін сақтандыру шығындары небәрі 2,2 млрд.теңгені немесе сақтандыру сыйақысының 20%-ын құрады.
Тәжірибе көрсеткендей, агроөнеркәсіп кешеніндегі сақтандыру жүйесі қолайсыз табиғи құбылыстардан, соның ішінде жануарлар өлгенде және ауру жұқтырған жағдайда шығындарды жабуға кепілдік береді.
