Өңірде жұмыртқа бағытындағы құс фабрикасын жаңғырту және кеңейту, сондай-ақ жаңа құрамажем зауытын салу бойынша ауқымды жоба жүзеге асырылуда. Құс фабрикасының жалпы жобалық қуаттылығы – жылына 200 миллион дана жұмыртқа және 10 мың тонна құрамажем.
Жобаның бастамашысы әрі инвесторы – «Arkalyk Qus» ЖШС. Жалпы инвестиция көлемі 1,2 миллиард теңге.
Құрылыс жұмыстары 2024 жылғы шілде айында басталды, ал нысандарды пайдалануға беру 2025 жылдың желтоқсан айына жоспарланған.
Бұдан бөлек, «Arkalyk Qus» ЖШС тауық қиынан тыңайтқыш өндіретін зауыт салу бойынша инвестициялық жобаны қатар жүзеге асыруда.
Аталған жобалардың жүзеге асырылуы өңірде жұмыртқа өнімдерінің өндірісін едәуір арттыруға, жаңа жұмыс орындарын ашуға және Қазақстанның ауыл шаруашылығы мен тамақ өнеркәсібінің дамуына үлес қосады.
Cурет: АШМ
