Ресей Қазақстаннан бидай, жасымық, қызанақ, бұрыш пен қауын жеткізуге уақытша шектеу қойды, деп хабарлады qazaqstan.tv. Мұндай шешімді ветеринариялық және фитосанитариялық қадағалау жөніндегі федералды қызмет қабылдаған. Ресейлік мекеме оларды карантиндік тауардың тізіміне кіргізіп отыр. Шектеу қашанға дейін жалғасатыны белгісіз. Сонымен қатар Ресейге өзге елдерден күнбағыс тұқымын жеткізуге де уақытша тыйым салынды.
Жалпы Қазақстаннан астық пен майлы дақылдарды Ресейге жеткізу үлесі елдегі экспорттың жалпы көлеміне шаққанда өте аз екенін айта кеткен жөн.
Сурет agrotrend.kz
