Қазақстанда 2024-жылдың 20-тамызы мен 30-қыркүйегі аралығында өткен пилоттық ауыл шаруашылығы санағы аяқталды. Іс-шараның негізгі мақсаты – 2025 жылы негізгі санаққа дайындық ретінде деректерді жинау әдістерін, санақ парақтарын және бағдарламаларды сынақтан өткізу, деп хабарлайды ҚР Ауыл шаруашылығы министрлігі.
Санаққа заңды тұлғалар, олардың құрылымдық бөлімшелері, жеке кәсіпкерлер, соның ішінде шаруашылық және фермерлік қожалықтар, сондай-ақ ауыл шаруашылығымен айналысатын үй шаруашылықтары қатысты.
Пилоттық санақ екі жолмен жүргізілді: sanaq.gov.kz сайтында онлайн және планшет қолдана отырып, үй шаруашылығын аралау арқылы. Сауалнаманы Ұлттық статистика бюросының аумақтық бөлімшелерінің қызметкерлері елдегі әр өңірдің екі ауылдық және бір қалалық елді мекенінде, барлығы 54 елді мекенде журналистердің қатысуынсыз жүргізді.
Алдын ала мәліметтер бойынша, пилоттық санаққа 44 мың респондент қатысты, олардың 31,8 мыңы – үй шаруашылықтары, ал 12,3 мыңы – шаруашылық жүргізуші субъектілер. Айта кетейік, 2025-жылы негізгі ауыл шаруашылығы санағы 1-тамыз бен 20-қазан аралығында өтеді.
