Павлодар облысында өсімдік майын өндіретін жобалар іске қосылады. Қазір аймақта 180 мың тонна күнбағыс тұқымын өңдейтін екі зауыттың құрылысы жүріп жатыр. Бұл туралы Ауыл шаруашылығы министрлігінің баспасөз қызметі хабарлады.
Jielong Holdings (Kazakhstan) компаниясы күнбағыс майын экстракциялық әдіспен өндіретін жобаны іске асыруда. Зауыттың өндірістік қуаты жылына 120 мың тонна шикізат пен 50 мың тонна дайын өнімге жетеді.
Жобаға салынған инвестиция 20 млн доллар. Құрылыс 2026-жылдың қазан айында аяқталады деген жоспар бар.
Екінші жобаны «Кеменгер-Май» ЖШС іске асырады. Зауыт 60 мың тонна күнбағыс дәнін өңдеп, жылына 35 мың тонна тазартылмаған күнбағыс майын шығаратын болады. Инвестиция көлемі 2 млрд теңге.
Сурет: АШМ
