Ауыл шаруашылығы министрлігі 1 келі сиыр етінің бағасы 3 400–3 500 теңге деңгейінде екенін және ол өндірушілердегі орташа көтерме баға екенін түсіндіреді, деп хабарлады министрліктің баспасөз қызметі.
Елордадағы сауда нүктелерінде ет жеткізу, сақтау және басқа да объективті шығындар ескеріле отырып сатылады. Соның нәтижесінде Астанада бөлшек саудадағы баға келісіне 3 700–4 300 теңгеге дейін жетеді.
Ал қабырға-жауырын бөлігі, әлеуметтік маңызы бар азық-түлік тізіміне енгізілгендіктен және бұл санатқа сауда үстемесі 15%-дан аспайтындықтан, келісі 3 100–3 400 теңгеден сатылады.
Өңірлерде еттің бөлшек саудадағы орташа бағасы 3 500–4 300 теңге.
Ал жоғары деңгейлі бөліктердің (сиырдың лоқ еті, жамбас еті, іш майы және т.б.) бағасы мемлекет тарапынан реттелмейді, нарықтық жолмен қалыптасады.
Cурет: Agrotrend.kz
