Биыл Италияда жерорта теңізі тағамдарының негізгі ингредиенттерінің бірі – зәйтүн майының өндірісі су тапшылығынан зардап шегуде, деп хабарлайды Еuronews.
Елдің оңтүстігіндегі Апулия аймағы елдегі зәйтүн майы өндірісінің шамамен 50% құрайды және мұнда құрғақшылық қатты сезіліп отыр.
Пьетро Леоне Фоджа провинциясында ауылшаруашылық компаниясын басқарады, онда шамамен 100 га жерге зәйтүн ағаштары отырғызылған. Биыл жауын-шашынның аз болуы қараша айында жиналатын зәйтүн өніміне қатты әсер етті. Ол былтырғыдан да нашар болатыны анық.
«Биыл зәйтүн жақсы өспеді, өткен жылға қарағанда әлдеқайда аз, өйткені бізде бірнеше жыл бойы су тапшылығы болды, содан кейін гүлдеу кезінде бірнеше сұрыпы түйіндемей қалды. Биыл бізде ағаштардағы зәйтүн 50-80% аз», — дейді Пьетро Леоне.
Капаччо бөгеті Фоджа қаласына ең жақын орналасқан және провинциядағы барлық өнеркәсіпті сумен қамтамасыз етеді.
Бүгінде бұл бөгет іс жүзінде бос, небәрі 2,5 млн текше метр суды сыйдырады, ал әдетте онда 17 млн текше метрге дейін су болған. Қазір ондағы су көлемі өткен қыстан қалған. Биыл бөгет толмады. Фоджа провинциясындағы қалған 3 су қоймасы жартылай бос.
Бұл жасанды су қоймасындағы су деңгейінің төмендігі мал суаруға ыңғайлы болуы мүмкін, бірақ зәйтүн ағаштары үшін мүлдем жеткіліксіз. Бұл өсімдіктер басқа дақылдарға қарағанда суды аз қажет етсе де, 50 күн қатарынан 40 градустан жоғары температура зәйтүн өніміне, демек, бағалы зәйтүн майына үлкен қауіп төндіреді.
