Абай, Шығыс Қазақстан, Павлодар және Қостанай облыстарында күнбағыс дақылдары жинайтын уақыт жетті. Өсімдіктердің жағдайы негізінен жақсы және кейбір жерлерде өнім тіпті жақсы шыққан. Шығыс Қазақстан облысының Зырян, Саратов және Шемонаиха метеостанцияларының маңында күнбағыс жинау науқаны басталды. Бұл туралы қыркүйектің үшінші онкүндігінде Қазгидрометтің агрометеорологиялық шолуында хабарланды.
Солтүстік Қазақстан облысында майлы зығыр дақылдары толық пісті. Солтүстік Қазақстан облысының Возвышенка метеостанциясының маңында зығыр жинау жұмыстары басталды.
Сондай-ақ Қазақстанның солтүстік өңірлерінде жаздық дәнді дақылдарды жинау жалғасуда. Қыркүйек айының соңына дейін егін жинауға агрометеорологиялық жағдай қолайлы болды.
Республиканың оңтүстік-шығысы (Алматы, Жамбыл облыстары) күздік бидай егуге кірісті.
Жетісу облысындағы Сарқан метеостанциясының маңында фермерлер майбұршақ жинауға және Жалын агропост округінде мақта жинауға кірісті. Өнім түсімі мол.
Алматы, Жетісу және Түркістан облыстарында жүгері дақылдары толық пісіп жетілді. Жетісу облысы мен Шымкент қаласында жүгері жинау жұмыстары басталды.
