Еліміздің өңірлерінде егін жинау науқаны жалғасуда. Дәнді және дәнді-бұршақты дақылдардың болжамды жинау алаңы 16 млн гектардан асады. Бүгінгі таңда 10,9 млн гектар немесе жалпы егіс алқабының 68,2 пайызы жиналған. Нәтижесінде 16,6 млн тонна астық орылып үлгерген. Бұл туралы Ауыл шаруашылығы министрлігінің баспасөз қызметі хабарлады.
«Дәнді дақылдардан бөлек ауыл шаруашылығы тауарын өндірушілер 799,3 мың тонна майлы дақыл, 1,9 млн тонна картоп және 2,9 млн тонна көкөніс жинады«, — делінген министрлік таратқан ақпаратта.
Атап айтқанда, 405,2 мың тоннадан астам қырыққабат, 731,2 мың тонна пияз, сондай-ақ 305,7 мың тонна сәбіз жиналды.
Сурет: Agrotrend.kz
