Батыс Қазақстан облысында көктем ерте келіп, топырақтағы ылғал тапшылығы болуы мүмкін. Бұл егіс науқаны мерзіміне ерекше назар аударуды талап етеді. Бұл туралы Ұлттық аграрлық ғылыми-білім беру орталығы хабарлады.
«Топырақтың күзгі ылғалдылығы нормадан 65%-ға төмен, ал қатты жауын-шашын негізгі норманың 67,6%-ын ғана құрады. Бұл өткен жылдың көрсеткіштерінен 2-2,5 есеге аз. Есептеулер көрсеткендей, топырақтың метрлік қабатындағы ылғал қоры жеткіліксіз (70-80 мм), ал кейбір аудандарда — тым жеткіліксіз (60 мм-ге дейін)», — делінген ҰАҒБО хабарламасында.
Болжам бойынша көктем салқын және шуақты, жауын-шашын аз болады. 12 наурыздың өзінде ауа температурасы 0°C-тан жоғары болды, бұл вегетациялық кезеңнің әдеттегіден 18 күнге ерте басталғанын көрсетеді.
Ғалымдар фермерлерге егіс жұмыстарын жоспарлағанда осы факторларды ескеруді және егін егудің кейінгі кезеңінде арамшөптермен күресу шараларына ерте кірускендері дұрыс дегенді ұсынады.
ҰАҒБО мәліметтері бойынша, БҚО-да егін егудің жаппай мерзімі: көпжылдық шөптер үшін 10-15 сәуір, ерте дәнді және майлы дақылдар үшін 15 сәуір – 5 мамыр, кеш себу мерзімі 10-20 мамырға келеді.
Сурет: Agrotrend.kz
