Батыс Қазақстан облысындағы «Терра Ақжайық» ЖШС 15 мың бас ірі қара байлайтын мал бордақылау алаңын іске қосты, деп хабарлайды Ауыл шаруашылығы министрлігінің баспасөз қызметі.
2024 жылдың қаңтарында Австралияның сарапшылары кешенге келді, олардың сараптамалық ұсыныстары негізінде шаруашылықта кешенді қалпына келтіру және 15 мың басқа кеңейту жұмыстары жүргізілді.
Қараша айынан бастап кешенде шаруашылықтардан еркек тайыншалар қабылдау басталды.
Жаңа нысанның ашылуы жұмыс орындарын құруға және ет өндіру ісін дамытуға ықпал етеді.
Алдағы жылдары инвестор ет өңдеу кешенін іске қосуды жоспарлап отыр.
Сурет: АШМ
