Аймақта көктемгі егіс жұмыстарын 4,4 млн гектар аумақта жүргізу жоспарланып отыр. Оның ішінде 3,3 млн гектар жерге дәнді және дәнді-бұршақты дақылдар, 760 мың гектарға майлы дақылдар, 392 мың гектарға мал азықтық дақылдар себіледі. Сонымен қатар 6,5 мың гектар жерге картоп, 1,3 мың гектарға көкөніс дақылдары егіледі. Бұл туралы Ауыл шаруашылығы министрлігінің баспасөз қызметі хабарлады.
Қазіргі таңда 470 мың тонна тұқым себуге дайындалған, оның ішінде 460,2 мың тонна жаздық дәнді дақылдардың тұқымы тексерілдген.
Облыста 40 аттестатталған тұқым шаруашылығы субъектісі жұмыс істейді, олардың ішінде 25-і тұқым шаруашылығы, 15-і тұқым таратушы ұйымдар.
Ауыл шаруашылығы тауар өндірушілерін жанар-жағармаймен қамтамасыз ету мақсатында мемлекет тарапынан литрі 254 теңгеден 52,2 мың тонна жеңілдетілген дизель отыны бөлінді.
Өңірдегі ауыл шаруашылығы техникасының техникалық дайындық деңгейі 91%. 219 машина-трактор шеберханасы штаттық режимде жұмыс істеп тұр.
2025-жылдың басынан бері фермерлер 9,7 млрд теңгеге 275 техника сатып алды, оның ішінде жалпы сомасы 5,9 млрд теңге болатын 93 техника «ҚазАгроҚаржы» АҚ арқылы лизингке алынған.
Сурет: АШМ
