Биыл егіс алқаптарын әртараптандыру шамамен 1 млн гектар жерде жүргізіледі. Елде ішкі және сыртқы нарықтарда сұранысқа ие жоғары табысты дақылдардың алқаптары кеңейтілетін болады. Бұл туралы Ауыл шаруашылығы министрлігінің баспасөз қызметі хабарлады.
Ведомствоның мәліметінше, 2025-жылы бұршақ, майлы және жем-шөп дақылдарының үлесі едәуір артады. Майлы дақылдар алқабы 378 мың гектарға ұлғаып, 3,3 млн гектардан асады. Күнбағыс алқабы алғаш рет 1,4 млн гектарға жетеді, бұл өткен жылмен салыстырғанда 121 мыңға артық. Зығыр алқаптары 181 мың гектарға, мақсары — 52 мың гектарға, рапс — 28 мың гектарға өседі.
Сонымен қатар жем-шөп дақылдарының алқаптары 127 мың гектарға ұлғаяды. Бұл мал шаруашылығының жем-шөп қорын нығайтуға, ауыспалы егісті жақсартуға және жалпы ауыл шаруашылығы өндірісінің тұрақтылығын арттыруға ықпал етеді.
Есесіне бидай алқаптарының қысқарады. Соңғы екі жылда осы дақылға арналған алаң 750 мың гектарға, биыл 187 мың гектарға азайды. Нарықтық жағдай мен әлеуметтік маңыздылықты ескере отырып, арпа алқаптарын 158 мың гектарға және қарақұмық алқаптарын 41 мың гектарға ұлғайту жоспарланып отыр.
Қант қызылшасының алқаптары 6,7 мың гектарға азаяды, өйткені өткен жылы қант зауыттары қабылдай алмады. Сонымен қатар ұйымдастырылған шаруашылықтар ішкі нарықты қамтамасыз ету үшін картоп алқаптарын 11,3 мың гектарға ұлғайтады.
Биыл мақта алқабы 135 мың гектарды құрайды. Тамшылатып суарудың қазіргі заманғы технологияларының үлесі 50 мың гектарға дейін ұлғаяды, ал дәстүрлі өсіру алаңы 21,4 мың гектарға қысқарады.
Сурет: Agrotrend.kz
