Алматы облысының Балқаш ауданында күріш ору науқаны қызу жүріп жатыр, деп хабарлады 24kz. Іле өзеніндегі су деңгейі өткен жылмен салыстырғанда әлдеқайда мол болғандықтан, өнімділік жоғары. Көктем мезгілінде Қапшағай су қоймасынан Ілеге секундына 650 текше метр су жіберілді. Аудан шаруалары соның арқасында биыл 7 мың гектардай алқапқа күріш екті. Олар әр гектардан орта есеппен 43,1 центнерден өнім алуда.
Балқаш ауданы бойынша күріш өсірумен заңды тұлға ретінде тіркелген 19 шаруашылық айналысады. Шаруалар мемлекет тарапынан бөлінетін қолдау қаржынының уақытылы беріліп отырғанын айтты. Қазір күріш орағы 83 пайызға аяқталды. Қамбаға биыл 30 мың тоннадан астам дән құйылып, 6 мың тоннадай күріш ақталады деген болжам бар.
Сурет en.wikipedia.org
